काठमाडौं, २५ भदौ । नेपालमा बन्दाबन्दीको समयमा २ हजार बढी मानिसले आत्महत्या गरेका छन् । मानसिक तथा मनोसामाजिक सुस्वास्थ्यको क्षेत्रमा काम गर्दै आएको कोशिसका अनुसार चैत १० देखि साउन ४ गतेसम्म २ हजार २१८ जनाले आत्महत्या गरेका छन् । आर्थिक वर्ष २०७६र७७ मा ६ हजार २७९ जनाले आत्महत्या गरेका छन् । यो संख्या २०७५÷७६ को भन्दा ९.१२५ प्रतिशतले बढ्ेको सरोकारवालाहरु बताउछन् । जसमा महिलाको तुलनामा पुरुषले धेरै आत्महत्या गरेको तथ्यांकले देखाएको छ । २०७६/७७ मा ३ हजार ४१९ पुरुष, २ हजार १९७ जना महिला, ४१० बालिका र २५२ जनाले आत्महत्या गरेका थिए । यो तथ्याँक हेर्दा नेपालमा कोरोनाले भन्दा बढी मृत्यु आत्महत्या रहेको देखिएको छ । यस तर्फ सचेत हुनुपर्ने देखिन्छ ।

सरोकारवाला निकायहरु आत्महत्याको कारण पहिल्याएर नीतिगत पहलकदमी लिन पर्ने बताउदै आएका छन् । प्रहरी पूर्व डिआइजी पिताम्बर अधिकारीले पिडा, समस्या असफलतालाई जोडेर मुक्तिका लागि आत्महत्या रोजिरहेको पाइएकाले सर्वप्रथम व्यक्तिको समस्या समाधानतर्फ लाग्नपर्नेमा बताउनुहुन्छ ।