काठमाडौं, २० भदौ । विश्वभर एकै दिन २ लाख २० हजारभन्दा बढी मानिस कोरोना संक्रमणमुक्त भएका छन् । विश्वभरको कोरोना सम्वन्धि तथ्याङ्क अद्यावधिक गरिरहेको वर्ल्डोमिटर्सका अनुसार एकै दिन २ लाख २० हजार ५०५ जना संक्रमणमुक्त भएका छन् । योसँगै शनिबार बिहानसम्म कोरोनाबाट निको हुनेको संख्या १ करोड ८८ लाख ९४ हजार ६६२ पुगेको छ । निको हुनेको यो संख्या विश्वभर कुल संक्रमितको ७० प्रतिशत हुन जान्छ । शनिवार विहानसम्म विश्वभर २ करोड ६७ लाख नाघेको छ । पछिल्लो २४ घण्टामा २ लाख ९२ हजार ५०९ जनामा संक्रमण पुष्टि भएसँगै संक्रमित संख्या २ करोड ६७ लाख ८४ हजार ८८ पुगेको हो ।

यस्तै एकै दिन थप ५ हजार ६४५ जनाको मृत्यु भएको छ । योसँगै कोरोना संक्रमणले विश्वभर मृत्यु हुनेको संख्या ८ लाख ७८ हजार १८५ पुगेको छ । कोरोना भाइरसकै संक्रमणबाट युरोपियन मुलुकहरूमा २ लाख ९ हजार ४६६ जनाको मृत्यु भएको छ ।

३७ लाख ४२ हजार ५५७ जना संक्रमित भएकोमा २१ लाख २५ हजार २२८ जना संक्रमणमुक्त भएका छन् ।उत्तर अमेरिकी मुलुकहरूमा २ लाख ७८ हजार ६३९ जनाको मृत्यु भएको छ । संक्रमितको संख्या ७५ लाख ८० हजार २६ पुगेको छ । त्यसमध्ये ४४ लाख ४४ हजार १७४ जना संक्रमणमुक्त भएका छन् ।यस्तै एसियाली मुलुकहरूमा १ लाख ४८ हजार ९२५ जनाको मृत्यु भएको छ । ७५ लाख २४ हजार ४२९ जना संक्रमित भएकोमा ६० लाख ३८ हजार ८३९ जना संक्रमणमुक्त भएका छन् ।

दक्षिण अमेरिकी मुलुकहरूमा २ लाख १० हजार ४७ जनाको मृत्यु भएको छ । ६६ लाख १७ हजार ३३६ जना संक्रमित भएकोमा ५२ लाख २५ हजार ४५७ जना संक्रमणमुक्त भएका छन् ।अफ्रिकी मुलुकहरूमा ३० हजार ९०५ जनाको ज्यान गएको छ भने १२ लाख ८९ हजार ८१७ संक्रमित छन् । संक्रमितमध्ये १० लाख २५ हजार ८७२ जना संक्रमणमुक्त भएका छन् ।त्यस्तै अष्ट्रेलियासहित ओसिनियाका मुलुकहरूमा ७७९ जनाको मृत्यु भएको छ । २९ हजार २०२ जना संक्रमित भएकोमा २४ हजार ४४१ जना संक्रमणमुक्त भएका छन् ।