काठमाडौं, १० भदौ । कोरोना भाइरस संक्रमणबाट पछिल्लो २४ घण्टामा ११ जनाको मृत्यु भएको छ ।

स्वास्थ्य मन्त्रालयका प्रवक्ता डा जागेश्वर गौतमले दुई महिलासहित थप ११ जनाको मृत्यु भएको हो । योसंगै कोरोनाबाट मृत्यु हुनेको संख्या १७५ पुगेको छ । कोरोनाबाट बितेको २४ घण्टामा मृत्यु हुनेको संख्या अहिले सम्मकै सर्बाधिक रहेको स्वास्थ्य मन्त्रालयका प्रवक्ता डा जागेश्वर गौतमले बुधबारको नियमित प्रेस ब्रिफिङमा जानकारी दिए ।

मृत्यु हुनेमा कैलालीका २, महोत्तरीका ३, बाँकेका १, काठमाडौंका १ र बाराका २ जना पुरुष रहेका गौतमले बताए । यसैगरी काठमाडौं उपत्यकासहित देशभर पछिल्लो २४ घण्टामा ८८५ जनामा कोरोनाभाइरस संक्रमण पुष्टि भएको छ भने काठमाडौं मात्र ३०१ जना नयां कोरोना संक्रमित थपिए उनले बताए । यससँगै देशभर संक्रमितको कुल संखया ३४ हजार ४१८ पुगेको छ ।