काठमाडौं, ९ भदौ । कोरोना भाईरस (कोभिड-१९) संक्रमणका कारण काठमाडौंमा एक कांग्रेस नेताको मृत्यु भएको छ । बसन्तपुर घर भएका नेपाली कांग्रेस काठमाडौं महानगरपालिका–२१ का सभापति गोविन्द रञ्जितको मृत्यु भएको हो ।

उनको परीक्षण साउन २७ गते स्टार अस्पताल गरिएको र २९ गते कोरोना संक्रमण पुष्टि भएको थियो । शसस्त्र प्रहरी अस्पतालमा उपचारका लागि साउन ३१ गते गएका उनको आइसीयूमा उपचाररत भईरहेको थियो ।

उनलाई साउन ३१ गते देखी नै भेन्टिलेटरमा राखेर उपचार गरिरहेको उनको आज मध्यान्ह्मा मृत्यु भएको अस्पतालका सूचना अधिकारी प्रहरी उपरीक्षक डा. प्रविण नेपालले जानकारी दिए ।