काठमाडौं, ३० साउन । रामेछापस्थित लिखु तामाकोशी गाउँपालिकाका अध्यक्ष गोविन्द खड्कालाई प्रहरीले पक्राउ गरेको छ । प्रहरीले उनलाई अपहरण तथा शरीर बन्धक सम्बन्धी कसुर गरेको अभियोगमा पक्राउ गरेको हो ।
खड्कालाई नियन्त्रणमा लिइएको पुष्टि गर्दै रामेछाप प्रहरी प्रमुख डीएसपी वसन्त पाठकले मिडियामा जनाए अनुसार उपभोक्ता समितिका दर्पण घिसिङलाई बन्धक बनाएर चेकमा सही गर्न लगाएको भन्दै उनीविरुद्ध उजुरी परेको हो ।
खड्का तत्कालीन एमालेबाट निर्वाचित अध्यक्ष हुन् । तर, हाल उनलाई नेपाल कम्युनिस्ट पार्टी नेकपाले निलम्बन गरेको छ ।
COMMENTS