हेटौंडा, २९ साउन । मकवानपुरमा थप ३७ जनालाई कोरोना भाइरस संक्रमण भएको छ । मकवानपुर जिल्ला अस्पतालका आइसोलेसन वार्ड प्रमुख भोला चौलागाईंका अनुसार सोमबार र मंगलबार संकलन गरिएको स्वाब परीक्षण गर्दा विहीबार ३७ जनामा कोरोना संक्रमण देखिएको हो ।

उक्त संक्रमितहरुमध्ये १८ जना हेटौंडा उपमहानगरपालिकाका रहेको उनले बताए । हेटौंडा उपमहानगरपालिका वडा नं. ९ का ७ जना, वडा नं. ५ का ४ जना, वडा नं. ४ का ४ जना छन् । यसैगरी हेटौंडा उपमहानगरपालिकाका २, १० र १३ नम्बर वडामा १–१ जना संक्रमित फेला परेका छन् ।

भिमफेदी गाउँपालिकाका ३, थाहा नगरपालिकाका २, बकैया गाउँपालिकाका २ तथा चितवन र काठमाडौंका १–१ जनामा पनि कोरोना पुष्टि भएको छ । भने नेपाल प्रहरीका १० जनालाई पनि संक्रमित भएको स्रोतले बतायो ।