सुर्खेत, २७ साउन । कर्णाली प्रदेशमा ८ जनामा कोरोना भाइरस संक्रमण पुष्टि भएको छ । पछिल्लो २४ घण्टामा सुर्खेतस्थित प्रदेश अस्पताल, पशुपन्छी रोग अन्वेषण प्रयोगशाला, दैलेख अस्पताल प्रयोगशाला र रुकुम पश्चिमको चौरजहारी प्रयोगशालामा गरिएको परीक्षणबाट मंगलबार थप ८ जनामा संक्रमण पुष्टि भएको हो ।

मन्त्रालयको स्वास्थ्य सेवा महाशाखाका प्रमुख डा । लक्ष्मीनारायण तिवारीले थपिएका संक्रमितमध्ये दैलेख र सल्यानका २/२जना, सुर्खेत, रुकुम पश्चिम, सर्लाही र धनुषाका १/१ जना रहेको सामाजिक विकास जानकारी दिए । यससँगै कर्णाली प्रदेशमा कोरोना संक्रमितको संख्या २०११ पुगेको छ ।

यस्तै, कर्णालीमा मंगलबार थप ११ जना कोरोना संक्रमित डिस्चार्ज भएका छन् भन ६ जना कोरोना संक्रमितको मृत्यु भएको छ । यससंगै ११४ जना आइसोलेसनमा रहेका छन् ।