काठमाडौँ, २४ साउन । काठमाडौं उपत्यकामा पछिल्लो २४ घण्टामा कोरोनाका ६२ जना नयाँ संक्रमित थपिएका छन् ।

शनिबार आयोजित नियमित प्रेस ब्रिफिङका क्रममा ६२ जना नयाँ संक्रमित फेला परेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।

संक्रमितमध्ये काठमाडौँमा ५६ जना, ललितपुर र भक्तपुरमा गरी ३/३ जना रहेको मन्त्रालयले जनाएको छ । २४ घन्टाको अद्यावधिक विवरण अनुसार शुक्रबार भने उपत्यकाका ३ जिल्लामा १०६ जना संक्रमित भेटिएका थिए ।