काठमाडौं, १ साउन । विश्वभर महामारीको रुपमा फैलिएको नोवेल कोरोना भाइरसबाट अमेरिकामा १ लाख ४० हजारभन्दा बढीको मृत्यु भएको छ । पछिल्लो २४ घण्टामा ९०० जनाको मृत्यु भएसँगै बिहीबारसम्म अमेरिकामा कोरोनाले मृत्यु हुनेको संख्या १ लाख ४० हजार ४३ पुगेको वर्ल्डोमिटर्सले जनाएको छ । यस्तै पछिल्लो २४ घण्टामा ६८ हजार ९०५ जनामा संक्रमण पुष्टि भएपछि कोरोना संक्रमितको संख्या ३६ लाख १३ हजार ९८२ पुगेको छ । कुल संक्रमितमध्ये १६ लाख ३६ हजार ६९८ जना संक्रमणमुक्त भएका छन् । उपचार गराइरहेका १८ लाख ३७ हजार २४१ जनामध्ये १६ हजार ३४६ जनाको अवस्था गम्भीर रहेको छ ।