काठमाडौं, ३१ असार । सशस्त्र प्रहरी बलका प्रहरी वरिष्ठ उपरीक्षक (एसएसपी) राजेन्द्र अधिकारीलाई प्रहरीले नियन्त्रणमा लिएको छ ।

बलात्कार आरोप लागेका  वरिष्ठ उपरीक्षक (एसएसपी) अधिकारीलाई एक महिलाले आफूमाथि बलात्कारको आरोप लगाएकी थिइन् । सशस्त्र प्रहरी बल तालिम केन्द्र पोखरामा कार्यरत एसएसपी अधिकारीलाई नियन्त्रणमा लिई युवतीको मौखिक उजुरीका आधारमा घटनाको अनुसन्धान सुरु गरिएको बताईएको छ ।

कास्कीका प्रहरी प्रमुख एसपी जीवन श्रेष्ठका अनुसार वरिष्ठ अधिकारीमाथि बलात्कार आरोप लागेपछि सशस्त्र प्रहरी बलका प्रदेश प्रमुख कविन्द्रमान श्रेष्ठ पनि तालिम केन्द्र पुगेका छन् ।