काठमाडौं, २४ असार । कोरोना भाईरस (कोभिड-१९) को संक्रमण काठमाडौं उपत्यकामा बुधबार २३ जनामा देखिएको छ । काठमाडौं जिल्लामा १६ जना र ललितपुरमा ७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

स्वास्थ्य मन्त्रालयले जनाए अनुसार भक्तपुरमा बुधबार भने कसैमा पनि कोरोना संक्रमण भेटिएको छैन । काठमाडौं र ललितपुरमा भेटिएका संक्रमित कुन ठाउँका हुन् भन्ने विवरण आउन बाँकी रहेको छ ।

काठमाडौंको छ जना राष्ट्रिय जनस्वास्थ्य प्रयोगशाला टेकुमा परीक्षण गर्दा कोरोना पुष्टि भएको मन्त्रालयले जनाएको छ । त्यस्तै पाटन अस्पतालमा गरिएको परीक्षणमा काठमाडौंका १० जना र ललितपुरका ७ जनामा कोरोना संक्रमण पुष्टि भएको मन्त्रालयले जानकारी दिएको हो ।