काठमाडौं, १३ असार । सत्तारूढ नेपाल कम्युनिष्ट पार्टी नेकपाको आज बालुवाटारमा बसेको स्थायी कमिटी बैठक सकिएको छ ।

अर्को बैठक यहि असार १६ गते बस्ने भएको छ । बैठकबारे शनिबार अपरान्ह पत्रकारहरूलाई जानकारी दिँदै प्रवक्ता नारायणकाजी श्रेष्ठले दुई दिन बैठक स्थगित गरिएको बताए । अर्को बैठक असार १६ गते विहान ११ बजे पुन बस्ने गरि सकिएको हो उनले भने । भोलि मदन जयन्तीमा नेताहरू विभिन्न कार्यक्रममा सहभागी हुनुपर्ने र पर्सी १५ असार दहि चिउरा खाने दिन भएकोले १६ गतेका लागि बैठक पुन बस्ने प्रवत्ता श्रेष्ठले बताए ।

शनिबार सीमाबारे स्थायी कमिटीमा छलफल भएको थियो। २१ जना स्थायी कमिटी सदस्यले सीमाबारे धारणा राखेको श्रेष्ठले बताए । असार १६ गते सीमाबारे केहीबेर छलफल गर्ने र अरू एजेन्डामाथि छलफल हुने बताए ।