काठमाडौं, ६ जेठ । संस्कृति, पर्यटन तथा नागरिक उड्डयन मन्त्री योगेश भट्टराईले सोमबारको मन्त्रिपरिषद्को निर्णय इतिहासको पानामा सुवर्ण अक्षरले लेखिने बताउनुभएको छ ।

मन्त्रिपरिषद्को बैठकले लिम्पियाधुरासहितको भूमि समेटेर तयार पारिएको नेपालको नक्सा पारित गरेपछि मन्त्री भट्टराईले सामाजिक सञ्जाल ट्विटरमार्फत यस्तो बताउनुभएको हो ।

उहाँले सोमबारको निर्णय युग युगसम्म हाजिरी जवाफमा सोधिने प्रश्नका रुपमा अमर रहने पनि दाबी गर्नुभएको छ । उहाँले प्रधानमन्त्री केपी शर्मा ओलीलाई धन्यवाद पनि दिनुभएको छ ।