काठमाडौं, २६ बैशाख । सिन्धुपाल्चोक जिल्ला सुनकोशी गाउपालिका वार्ड नम्बर ७ स्वारास्थित १ किलोबाट लामोसांगु सडकमा भैरहेको कालो पत्रे बाटो निर्माण कार्यमा मापदण्ड बिपरित कार्य भएको स्थानीयको आरोप छ ।

स्थानियबासीहरुले पानी परेको समयमा पीच गरेको भन्दै काममा अवरोध गरेका छन् । सडक निमार्ण भएपछि टिकाउ र बलियो हुनेपर्ने माग स्थानियको रहेको छ । स्थानियबासीले मापदण्ड विनानै सडक निमार्ण गरेको आरोप समेत लगाएका छन् । स्थानिय युवा क्लब प्याराडाइजले वर्षा भइरहेको अवस्थामा बाटो पीच नगर्न आग्रह गरेपनि ठेकेदारले काम अगाडि बढाएपछि दुई पक्षबीच केहिवेर भनाभन समेत भएको थियो ।
कालो पत्रेको काम करिब पचास लाखको भएता पनि कमिसनका कारण काम राम्रो नभएको स्थानीय क्लबको आरोप छ । स्थानीय क्लबले पानी नसुकी गरेको पीच टिकाउ नहुने भन्दै काम रोक्न माग गरेका छन् ।