फाल्गुन ७, २०७६ बुधबार


नेपालमा लगानीमैत्री वातावरण बन्दै : ३ सय २३ अर्ब रुपैया बराबरको बैदेशिक लगानी स्वीकृत (भिडियोसहित)


काठमाडौं, ७ फागुन ।  लामो समय अस्थिर सरकारको कारण नेपालमा वैदेशिक लगानी भित्रिन सकिरहेको थिएन । तर पछिल्लो समय राजनितिक स्थिरतासंगै लगानीमैत्री वातावरण बन्दै गइरहेको छ । दुई वर्ष झण्डै साढे खर्ब बैदेशिक लगानी आउनुले पनि नेपाल अकर्षक गन्तव्यको रुपमा हेरिएको छ । यता निजि क्षेत्र व्यवसायीहरुले सरकारको नितीमा भन्दा नियत सफा भएमात्र लगानीको वातावरण बन्ने बताएका छन ।

सरकार गठन भएको दुई वर्षलाई हेर्ने हो भने पनि विदेशी तथा आन्तरिक लगानी उत्साहप्रद बृद्धि हुदै गएको छ । चालु बर्षमा मात्र झण्डै २ खर्बको लगानी प्रतिवद्धता थपिएको छ । लगानी बोर्डले गत डेढ वर्षमा ३ सय २३ अर्ब बराबरको बैदेशिक लगानी स्वीकृत समेत गरेको जनाएको छ । लगानी बोर्ड गठनसंगै मुलुकमा लगानीको वातावरण निर्माण सरकारले नितिगत सुधारदेखि बिभिन्न ऐन नियम ल्याएको छ भने बिगतको तुलनामा लगानीको वातावरण बन्दै गएको छ ।

सरकारले आर्थिक विकासका लागि सार्वजनिक–निजी साझेदारी, सहकारी र स्वदेशी तथा विदेशी तथा निजी क्षेत्रलाई लगानीगरी समृद्धि नेपाल निमार्णको गतिमा अगाडी बढीरहेको छ । नेपालमा लगानीको वातावरण बन्दै गइरहेको अवस्थामा उद्योग सञ्चालनमा आउने समस्यालँई सामाधान अगरी व्यवसाय मैत्री ऐन नियनको कार्यान्वयन गर्ने गतिसमेत उत्तिकै महत्वपूण हुने व्यवसायीहरु बताउछन ।

विगत दुइवर्षमा विदेशी लगानी प्रतिबद्धतासंगै लगानी स्विकृतीले पनि सरकारले लगानीको वातावरण बनाएको देखिन्छ । सरकारलेको दुई वर्षमा बिद्युत आपूर्ति सहज, आर्थिक गतिविधिमा सुधार, लगानीसम्बन्धी नीतिको साथै स्थिर सरकार भएकै कारण पनि लगानीमैत्री वातावरण बन्दै गएको छ ।

लगानी प्रतिबद्धतामा भएको वृद्धिले नयँ परियोजनाहरू सुरु हुने र यसले उत्पादन वृद्धि, थप रोजगारी र सुदृढ अर्थतन्त्र निर्माणमा मद्दत पुग्ने देखिन्छ । बिदेशी लगानी भित्राउनका लागि कानुन बनाइरहेकोले पनि सरकार लगानीको वातावरण बनाउनमै केन्द्रित रहेको देखिन्छ ।

आयातमा कमीको साथै निर्यात वृद्धिले पनि नेपाली अर्थतन्त्रका लागि अहिलेको परिस्थिति सकारात्मक बन्दै गएको छ । सरकारले स्वदेशी तथा विदेशी लगानीकर्तालाई बढी प्राथमिकता दिएको हु“दा लगानीको वातावरण सहज बन्दै गएको छ । बर्तमान सरकार विगत दुई वर्षमा जसरी मुलुकको लागि आधार तयार पार्ने केन्द्रीत भयो त्यसैगरी अबका वर्षमा तिब्र आर्थिक बिकास निमार्णमा ध्यान दिने हो भने छिट्टै नै समृद्ध नेपालको सपना साकार पार्न सकिन्छ ।

  • Nepal News Agenacy Pvt. Ltd.

  • Putalisadak, Kathmandu Nepal

  • 01-4011122, 01-4011124

  • [email protected]

  • सूचभा तथा प्रसारण विभाग दर्ता नं. २००१।०७७–०७८

©2022 Nepal Page | Website by appharu.com

Our Team

Editorial Board